फुकुओका नेपाल सोसाइटीको २७ औं अधिवेसन सम्पन्न

फुकुओकाकै पुरानो संस्था फुकुओका नेपाल सोसाइटीको गौरवमय २७ औं अधिवेसन २०२३ जुलाई १७ तारीक सोमबारका दिन फुकुओकाको मिनामी सिमीन सेन्टरमा सम्पन्न भएको छ । १९९५ सालमा नेपालीहरुको हक हितका लागी सुरुवात गरीएको संस्था यहाँसम्म आइपुग्दा १ वर्षे कार्यकालमा निरन्तरता पाएको भएता पनि अगिल्लो अधिवेसनबाट विधान संसोधन गरी २ वर्षे कार्यकाल बनाइएको संस्थाका निवर्तमान अध्यक्ष माधव सिग्देलले बताउनु भयो ।

यसै अवसरमा २६ औं कार्यकालका उपाध्यक्ष जुझारु युवा इन्द्र प्रसाद घलेको अध्यक्षतामा २७ औं नयाँ कार्य समिति पनि गठन गरेको छ । उक्त कार्यसमितिको वरिष्ठ उपाध्यक्षमा रवि बस्नेत, उपाध्यक्षमा दिपक बिक, प्रेमराज दाहाल र अशोक सेडाइ, प्रवत्तामा कृष्ण राज भट्ट, सचिबमा उज्ज्वल बानियाँ, सह सचिबमा प्रदिप राई, कोषाध्यक्षमा भुवन कृष्ण घिमीरे, सह कोषाध्यक्षमा विसाल जिन्बा, सदस्यमा सन्देस राई, मनिसा रावल, शिव बिक, अमित भुसाल र मिशन केसी गरी १५ सदस्यीय कार्यसमिति निर्वीरोध चयन भएको छ । निर्वाचन समितिको संयोजकमा पुरुषोत्तम सिग्देल र सदस्यमा छत्र दाहाल र शिव शर्मा रहनु भएको थियो । फुनेसोको इतिहासमा सजिलै कार्यसमिति निर्विरोध गठन गर्न सहयोग गर्ने सम्पूर्णमा निर्वाचन समिति संयोजकले धन्यवाद दिनुभयो ।

उक्त अवसरमा प्रमुख अतिथीको रुपमा पाल्नु भएका फुकुओका नेपाल सोसाइटीका संस्थापक अध्यक्ष अरुण विस्टले आफुहरुले नेपालीहरुको सहयोगका लागी सुरुवात गरेको संस्था अहिले यो उचाइमा देख्न पाउदा एकदमै खुसी लागेको र आगामी दिनमा आफ्नो तर्फबाट सहयोग गर्नका लागी तत्पर रहेको कुरा बताउनु भयो ।