फुनेसो २७ औं कार्यकाल

फुकुओकामा क्रियाशील रही विभिन्न कार्यक्रमको आयोजना गर्दै आई रहेको फुकुओका नेपाल सोसाइटीको आयोजना यही मिति २०२४ फेबु्रअरी १० तारीक शनिबारका हाकाता सीमिन सेन्टरको हलमा नेपाली विधार्थीहरुको लागि स्युस्योकु सेमीनार हुने भयको छ ।
२०२१ बाट सुरु गरिएको उक्त कार्यक्रममा पहिलो र दोस्रो वर्ष क्यूस्यूको विभिन्न विद्यालयका गरी करीब ३०० जना नेपाली विधार्थीहरुको सहभागिता रहेको र करीब १५ जना जतिले स्युस्योकु गर्न पनि सफल भएका थिए । यस वर्ष करीब ५० जना विधार्थीहरुको सहभागिता रहने अपेक्षा गरिएको छ । स्यूस्योकु सेमिनारमा क्यूस्युको विभिन्न क्षेत्रमा कार्य गर्दै विदेशीहरूलाई कर्मचारीको रूपमा राख्दै आएका करिब २ वटा कम्पनीको उपस्थिति रहने छ ।

यस कार्यक्रमबाट युनिभर्सिटी तथा भोकेसनल स्कूल सकेर पनि कर्मचारीको रूपमा काम गर्न न पाउनु भयका नेपालीहरुलाई काम खोज्न सहयोग पुग्ने आशा गरिएको छ । त्यस्तै यो संस्थाले यो कार्यक्रम भन्दा अरु पनि नेपाल र नेपालीलाई परदेशमा चिनाउने कार्यक्रम तथा परदेशमा रहे पनि आफ्नो देश, कला, संस्कृति जोगाउन प्रेरित गर्ने खालका कार्यक्रम पनि गर्दै आई रहेको र आगामी दिनमा पनि निरन्तरता दिने योजना रहेको छ ।
उक्त सेमिनारमा भाग लिन चाहनु हुने विद्यार्थीहरुले तलको लिङ्कबाट गुगल फर्म भरी आफ्नो सीट सुरक्षित गर्नुहुन आयोजक समितिले अनुरोध गरेको छ ।

फुकुओका नेपाल सोासइटी परीवार

फुकुओका नेपाल सोसाइटीद्धारा संचालीत सुख दुःख कोष र भुकम्प पिडीत सहयोगार्थ आयोजीत देउसी भैलो कार्यक्रमबाट संकलीत रकमबाट ट्रान्सफर्मेटिभ सोसाइटी अफ नेपालको सहकार्यमा सहयोग वितरण गरीएको छ । फुकुओका नेपाल सोसाइटीको आर्थिक सहयोग र ट्रान्सफर्मेटिभ सोसाइटी अफ नेपाल को प्राविधिक सहयोग र उक्त संस्थाकी संस्थापक अध्यक्ष चादनी ऐरीको भौतिक उपस्थीतिमा गत कार्तिकमा रुकुम पश्चिम र जाजरकोटमा गाएको भुकम्प प्रभावीत क्षेत्र जाजरकोट जिल्ला कुसे गाँउ पालिका वडा नं. ४ का करीब ७० घरधुरीलाई न्यानो ब्याल्याङकेट तथा ५ जना साना नानिबाबुहरुलाई न्यानो कपडा वितरण गरीयाे ।

फुकुओका नेपाल सोासइटी परीवार

फुकुओका नेपाल सोसाइटीले विगतका वर्षमा झै यस वर्ष पनि यहि मिति २०२३ सेप्टेम्बर १७ तारीक आइतबारका दिन सम्पन्न गरेको फुनेसो तीज विशेष कार्यक्रम नेपालबाट पाल्नु भएकी गायिका प्रिती आले, गायिका कल्पना दाहाल, फुकुओकामै रहनुभएका गायक तथा सर्जक पुरुषोत्तम सिग्देल, गायक माधव सिग्देल, गायक प्रेम सापकोटा लगायत यस कार्यक्रमको सुरुवातबाट अन्त्य सम्म सहयोग गर्नुहुने इभेन्ट पार्टनर, डाइमन्ड स्पोन्सर, गोल्ड स्पोन्सर, सिल्भर स्पोन्सर, अन्य स्पोन्सरहरु, फुनेसो पुर्व अध्यक्ष ज्यूहरु, अन्य विभीन्न संघसंस्थाहरु लगायत जापानको व्यस्तताका वावजुत पनि हाम्रो निमन्त्रणालाई स्वीकार गरी पाल्नुभएका दर्शकवृन्दहरुमा हार्दिक धन्यवाद ज्ञापन गर्दछौ ।

फुकुओका नेपाल सोासइटी परीवार